Rencana Kegiatan UKB? (update 2 Agustus 2008)

Assalamualaikum....

Alhamdulillah niyh...
kite bisa ketemu lagi.
Udah lama, yeh, UKB kagak munculin posting baru^^ maklum niy, abang2 ame mpok2 ukb lagi pade sibuk.. heheh...
sibuk Geladi, Semester Pendek, ame sibuk ngurusin kegiatan yang bakal dilaksanain UKB dalam waktu deket ini^^

Nah... Kali ini, kite mo ngebeberin kegiatan apaan aja siyh yang bakal dilakuin UKB deket-deket niyh :

1. UKB @ PMB-2 2008
Insya Allah, seperti PMB sebelumnya, UKB Bakal ngebuka Stand khas Betawi antara tanggal 4-8 agustus 2008. Mo tau kayak ape? pantengin aja dah niyh blog.. hooho^^

2. UKB @ PDKT 2008
Alhamdulillah, UKB diberi kesempetan buat nampil di PDKT 2008 skitaran tanggal 15 Agustus 2008.. Insya Allah kite bakal nampilin tarian blantek ame Ondel-ondel^^... semoga lancar.. amin^^

3. UKB Tour
Insya Allah, kalo kagak ade halangan, anak2 UKB nakal ngadain nyang namanye UKB Tour. selaen buat ngakrabin semua anggota n pengurus UKB, niy acara juga dibuka untuk umum. Insya Allah bakal diadain di akhir agustus.... yang jelas,, dengan ukb tour ini, insya Allah, pengetahuan kite tentang betawi bakal bertambah.. amin

4. Silaturahim UKB
Acara ini bakal diadain sekitaran minggu pertama/kedua september. selain buka puasa bersama, ni acara juga bakal jadi acara peresmian terbetuknya UKB ITTelkom oleh para rektorat.

5. UKB @ Shakti 2008
Nah.. alhamdulillah, UKB ITTelkom dapet undangan dari SHAKTI (ospek jurusan Himpunan MAhasiswa Teknik Industri) buat nampil n ngebuka stand buat anak-anak baru himpunan TI sekitaran Tanggal 4 september 2008. jadinye kita bakal sharing-sharing tentang kebudayaan Betawi lebih terbuka lagi...

Sip...
gtu dulu, yeh, bang, mpok....
Insya Allah, kite bakal laporan terus kegiatanUKB yang bakal n udah dilaksanaain..


Wassalam...

JAKARNAVAL 2008 = Manteb Bener ^^

Salam takjim dulu deh, ye...

(^/\^) Assalamuallaikum <(^0^)>

Alhamdulillah, ni, kite bisa ketemu lagi..
Kali ini, UKB ITTelkom mau nyuguhin laporan alias report langsung dari tempat dimane event JAKARNAVAL 2008 berlangsung... hohoh...

Tepatnye pas tanggal 5 July 2008 malem, alias malem minggu kemaren, salah satu anggota UKB bersedie buat terjun langsung ngeliput acare JAKARNAVAL 2008 nyang berlangsung di sepanjang Jl. Medan Merdeka Selatan -> Jl. M.H. Thamrin -> Bunderan HI -> ampe ke JL. Sudirman...

Eh....tunggu... tunggu bentaran dah...
Ngomong-ngomong, apaan siyh JAKARNAVAL????

JAKARNAVAL ntuh merupakan bagian dari Jakata Anniversary Festival yang taun 'ni udeh memasuki penyelenggaraan ke-7 yang acare didalamnye antara lain berupa karnaval kostum kebudayaan dan mobil hias yang diselenggarain ame pemerintah provinsi DKI Jakarte dalam rangka meramaikan HUT kota Jakarte tercinte...

nah.. lanjut, dah..^^

Acara Jakarnaval kemaren bener-bener diselenggarain dengan cukup meriah. Pertama kali acaranye dilepas ame Wakil Gubernur Jakarta, Bang Prijanto di depan halaman Balaikota DKI skitaran pukul 19.00 dengan Kemeriahan kembang api....

Nah, orang-orang udeh pada turun tuh ke Jalan protokol... kemudian lewat dah tuh iring-iringan Drumb Band, Trus Ondel-2 raksasa trus ade lagi nyang lewat kumpulan dari budaye-budaye tetangge : kayak Reog Ponorogo, Bali, ame negara-negara sahabat.

oh, iye, ade juga lho iringan dari pengendara Ontel (alias sepeda jadul^^), trus mobil -mobil oplet, trus ade juga iringan dari B2W (Bike-to-Work community).

Nah... ini die nyang paling dtunggu^^. Setelah beberape andong (kereta kuda) hias dari 6 wilayah DKI, nyang masing-masing dinaekin ame Finalis ABNON 2008 lewat, giliran iring-iringan hampir sekitar 20-an mobil hias nyang lewat jalur Karnaval....

Wah.. mobil hiasnye keren-keren banggetz... (^0^)9

Selaen Finalis-finalis Abang ame None 2008, beberapa artis betawi juga ngeramein jalannye karnaval dengan naek di atas mobil hias ntuh.. kayak Bang Bolot, Mpok Nori, Rini Es Bon-bon dan artis-artis betawi laennye.

Udah ntuh, Selaen banyak artis nyang ngeramein Karnaval, ternyate penontonnye gak kalah banyaknye... lebih dari ribuan penonton dari Jakarta dan sekitarnye sengaja dateng n tumpah ruah di sepanjang jalan tersebut buat nyaksiin langsung jalannye JAKARNAVAL 2008

Okeh deh, Abang ame Mpok, mungkin cukup sekian dulu laporan UKB ITTelkom mengenai jalannye acara JAKARNAVAL 2008. Buat nyang masih penasaran, UKB Udeh nyiapin beberape foto nyang diambil saat JAKARNAVAL 2008...

Insya Allh kite bisa ketemu lagi di JAKARNAVAL 2009 dan seterusnye... Amin..

ENJOY JAKARTA... (^0^)/














*maap ye.. potonye cumang pake Nokia 6600 (^0^)v

Selamat Buat Abang None 2008

Gubernur DKI Jakarta(kiri) menyerahkan Thropy dan piala ke Abang Nedha (tengah) dan None Million (kanan). (dari Kompas.com)

Alhamdulillah...

Akhirnye, Malam Final kontest Abang None 2008 udeh digelar di jakarte hari Jumat/4 Juli 2008 kemaren. Dan, selamat buat Abang Nedha Satyarengga (Abang Jakarta Pusat) ame Mpok Million Sekarsari (None Jakarta Barat) yang udeh kepilih jadi Duta Pariwisata Jakarta..

Slamat, ye^^...

Wah.. bener-bener, dah... acaranye seru banget. Banyak juga lho, penampilan finalis abang ame none yang rada-rada nervous waktu ditanyain ame juri... hehe... 

Sekedar info aje, acara Abnon 2008 kemaren diadain di Jakarta Convention Center (JCC) dan dihadiri ame Gubernur Jakarta, Abang DR. H. Fauzi Bowo yang sekaligus juge ngalungin selempang ame ngasih Piala n Thropy ke para pemenangnye..

Waah.. biar settingan panggungnye gak terlalu heboh n cukup simple doank,tapi acaranya menarik juga kok, bos..! (^0^)n

Sekali lagi, ye.. selamet buat Abang ame None 2008 yang udeh kepilih. Moga jakarte kite bisa mangkin maju aje... (^0^)/

note : moga taun depan pemenangnye perwakilan dari UKB ITTelkom (^0^)>

Report UKB @ PMB1

Laporan ni kayaknye dimulei dari sehari sebelon hari pertame PMB-1.

Senen/23-Juni-2008

Ni hari, dari pagi, mpok-mpok UKB ude pade kumpul di Palm House(salah satu kosannye nak UKB, Gusma) buat ngebahas lagi bahan-bahan jualannye same bikin Es-Buah nyang kalo kerennye orang sono bilangnye Cocktail (bacanye : kokteil). Nah, pas banget dah ni, Masternye es Buah alias Ibunye Gusma pas lagi ade di Bandung. Masak dah mereka semue ampe sore...

Malemnye, mulai dah tuh yang laen pade sibuk ngerjain macem-macem buat ngehias stand. Nah, nyang paling rame, pas ngluarin si Bang O'On(ondel-ondel UKB-ITTelkom). Bang OOn akhirnye keluar juga dari tempat peristirahatannye[halah :p] di SC lt-2 n dirapiin same dipakein lagi sarung ame selendangnye. 

Selasa/24-Juni-2008 (hari-1)

Dimulai dari jam7, anak-anak ude pade kumpul di stand buat gerapiin stand same nyiapin makanannye. Seperti acara-acara UKB lainnye, nyang cowok dresscodenye Setelan bang-jampang, buat nyang cewek, Baju kebaye-simple ame rok bahan. Tapi, emang bener, si-Ayu nyang bajunye udeh kayak mpok-mpok banget dah.. hohoho...

Alhamdulillah, hari ni kite selain konsultasi-in anak-anak 2008, kite juge punya menu spesial KHAS BETAWI :

1. Kerak Telor (Pan kite langganannye si-Bapak :))

2. Nasi Uduk betawi

3. Es Buah

4. Roti Buaye (Beli di anak Himatel ;P)

5. Cetak Poto (Potonye jangan dimakan, ye?! :p)

6. si Bang O'on (O'on masih blon beraksi, masih mejeng aje di stand.. hehe..)

Rabu/25-Juni-2008 (hari-2)

Ni hari, kite banyakan ngurus jualan... same aje si kyk hari pertama, tapi, hari niy Kulkasnye si Ferdy nyampe juga di stand... minumannye jadi kagak usah bolak balik diambil, dah..

Oh iye, hari ni, roti buayenye udah abis.. jadi kagak dijual lg, dah.. hoho.. 

Akhirnye Bang O'on beraksi juga pas sore-sore. Dy keluar dari stand dan keliling. Bokabnye si-O'on (Sony.. hohoho) kagak mau ngendarain, alhasil, ketuanye aja dah nyang ngendarain. Banyak nyang minta poto bareng, lho! hehehe.. senangnye...^^

Kamis/26-Juni-2008 (hari-3)

Yah.. acara PMB1 bntar lagi kelar. Tapi, anak-anak maleh makin semangat. Ade nyang semangat balanja di-stand laen :p, ada nyang semangat poto-poto, ade juga nyang semangat ngitungin duit keuntungan.. hohoho... 

Karena Es-buahnye laku keras, Ni hari kite jualannye Es Jeruk (nyang orang sono bilangnye Orange Squash (bacanye : oren skuos)). Ajieb bener dah pake nasi uduk + kerak telor. hohoho... (^0^)v 

Nah, bang O'on hari ni keluar lagi pas siang Bolong. jadinye, makin banyak orang nyang minte poto bareng.. hoho... Ade orang jepang ame orang maluku juga nyang minta poto bareng, lho... hoho... jadinye, PMB1 makin rame, dah, pas bang O'on keluar (mode NARSIS on (^0^)v)

PMB kelar, waktunye beres-beres, dah... semuanye pada smangat, lho!!! 

Pesan-Kesan :

PMB1 Mantebs bener dah!! Anak-anak UKB ITTelkom bener-bener kompak. (^0^)/ Trims Banget buat semua pihak yang udah ngebantu kelancaran PMB1 UKB ITTelkom. Thanx buat para UKB-ers nyang masih bisa nyempetin waktu di UKB walau banyak juga ksibukan di tempat lain. semangat buat semuanye... (^0^)/

Poto-poto :

gb1. Si Abang Ketua (^0^)v

gb2. Pare pelanggan + si Mpok Ayu nyang make baju merah

gb3. Bang Wisnu, Bang Sony ame Bang O'On

gb4. Abang Vicky, Mpok Lia & Ayu, Abang Udin & Sony + Bang Oon nyang-lagi-botak 

UKB ITTelkom @ PMB1

Assalamualaikum...

Insya Allah, pada hari Selasa/24 Juni 2008 - Kamis/26 Juni 2008 UKB ITTelkom akan ikut turut serta membuka Stand Informasi mengenai UKB ITTelkom pada saat PMB (Penerimaan Mahasiswa Baru) gelombang pertama di Lapangan GSG IT Telkom.

Selain stand Informasi, UKB ITTelkom juga menjual berbagai makanan khas Betawi, seperti :
1. Kerak Telor
2. Nasi Uduk betawi
3. Es Buah
serta pencetakan photo.

Stand UKB ITTelkom....
Dateng, yee....!!

UKB ITTelkom

Assalamualaikum...

Abang-None, N'cang-N'cing, ame Nyak-Babe...
Alhamdulillah ni, Akhirnya UKB ITTelkom udah bisa secara resmi terbentuk n udah disahkan oleh Institut Teknologi Telkom, Bandung pada Juni 2008 dengan nomor SK : 026/MHS36/32.1.0/08

Nah... UKB ITTelkom n'diri apaan si??
UKB ITTelkom or Unit Kebudayaan Betawi, ato orang sini bilangnye UKM Betawi adalah organisasi kebudayaan yang bertemakan Betawi yang adanye di ITTelkom, Bandung.

Nah, Kegiatannye lumayan banyak ni, bang... antara laen :
1. Tarian betawi
Insya Allah, Tiap minggunye kite bakal ngadain pelatihan tarian blantek buat pare Mpok-mpok Anggota UKB. Nyang ngajar juga b'pengalaman, loh! udeh pnah tampil juga di depan Ketua ITTelkom! Nah, ntar tiap bulan bakal ade yang namanye pelatih Tari khusus diimpor dari sekolah seni. Namanye Mpok Dewi. Tari Blantek? Ajieb,dah!

2. Pencak Silat
Bwah.. nyang ini buat pare Abangnye. Ibarat kate sayur, kagak asik kalo kagak ade garemnye. nah, pan udeh ade tarian Blantek, nyang ini buat para abang anggota UKB bakal dilatih nyang namanye Pencak Silat. Buzeet... jangan macem-macem ame pelatihnye. Diimpor langsung dari perguruan silat di jakarte, noh!

3. Marawis
Nah, yang ini namanye pelatihan perkusi dari betawi... kalo ini bangnye ame mpoknye bisa ngikutan, dah... nyang abang latian marawi, nyang mpok juge bise latian qasidahan.
Mantabz...!!

4. Lenong
huahuahau... Siap-siap, choy... bentar lagi bakal dibuka kelas khusus buat elo semue yang mau ngembangin bakat di bidang peran ala betawi. Asik, dah! kalo ade waktu, tar kite studi banding ame pemaen lenong yang suka ade di Tipi-Tipi... ajieb, kan?^^

5. Kerajinan Betawi
Asyik bener. Buat Abang ame mpok nyang ketantang buat lebih trampil and ngasah konsentrasi, ini niyh yang paling okeh. Kalo kemaren kite udah buat Ondel-ondel nyang namanye "Bang O'on", Insya Allah semester depan kite bakal bikin Mpoknye nyang namanye "Mpok One' ". Nanti kite juga bakal bikin nyang namanye kerajinan tangan buat mpok-mpoknye. kalo kagak ade halangan, Insya Allah, nyang m'poknye bakal bikin boneka tangan "Bang O'on" ame "Mpok One' ". Pokonya Ajieb, dah.... (^0^)/

Mangkanye.. Buat Abang ame Mpok Mahasiswa/i ITTelkom nyang mau gabung ame kite-kite, buruan aja dah hubungin kite di email : ukb_ittelkom@yahoo.com

or, kunjungin aje langsung ke Mading UKB ITTelkom @ gdung B.....

Okeh???


UKB!!! Back to the culture! Go to the future! Be the Best!? Yes!!!!